ბაჰამის კუნძულებზე ქარიშხალ „დორიანის“ მიერ მიყენებული ზარალი დაითვალეს. კომპანია Karen Clark & Company-ს ცნობით, რომელიც კატასტროფების მოდელირებაზე მუშაობს, წინასწარი მონაცემებით სტიქიამ კუნძულები $7 მილიარდით დააზარალა.

კომპანიის ანგარიშში ასახულია ზარალი სამშენებლო სფეროში, ისევე როგორც ბიზნესის გაჩერებით და უძრავი ქონების დაზიანებით გამოწვეული დანაკარგები. 

„დორიანი“ ბაჰამებზე რამდენიმე დღე მძვინვარებდა. სტიქიის შედეგად სულ მცირე 30 ადამიანი დაიღუპა. კუნძულის მთავრობის განცხადებით, მსხვერპლის რაოდენობა სავარაუდოდ გაიზარდება, რადგან ათასობით ადამიანი უგზო-უკვლოდ დაკარგულად ითვლება.