4 მეტრიანი ხაჭაპური, 3 მეტრიანი გებჟალია - ხვალ რუხში „ხაჭაპურის ფესტივალი“ გაიმართება
ნავიგატორი
1687


4 მეტრიანი ხაჭაპური, 3 მეტრიანი გებჟალია - ხვალ რუხში „ხაჭაპურის ფესტივალი“ გაიმართება

► ხვალ, 19 ოქტომბერს ზუგდიდის სოფელ რუხში, ადმინისტრაციულ საზღვარის მიმდებარედ "ხაჭაპურის ფესტივალი" ჩატარდება. ორგანიზატორების ინფორმაციით, ღონისძიების ფარგლებში გაიმართება კულინარიული კონკურსები, მასტერკლასები და მეგრული სამზარეულოს შესახებ წიგნების პრეზენტაციები. გარდა ამისა, აქ მოსულ სტუმრებს 3 მეტრიანი გებჟალიის და 4 მეტრიანი ხაჭაპურის დამზადების პროცესის ნახვა და დაგემოვნება შეეძლებათ. ფესტივალის ფარგლებში მომზადდება ყველა სახის ხაჭაპური.

► ფესტივალზე ასევე გელით:

• მეგრული სამზარეულოს უგემრიელესი ნაწარმის
დეგუსტაცია;


• გასტრონომიის ასოციაციის მიერ UNESCO-ში წარდგენილი ხაჭაპურის პროექტი და ხაჭაპურის ისტორია;

• ეთნო და ფოლკლორული მუსიკა;

• გასართობი პროგრამა ბავშვებისთვის;

• ეკოლოგიურად სუფთა და უნიკალური ადგილობრივი პროდუქციის გამოფენა-გაყიდვა (თაფლი, ყველი, თხილი და სხვა.);

► "ხაჭაპურის ფესტივალი" წარმოადგენს ერთდღიან გასტრონომიულ ღონისძიებას, რომელიც სამეგრელო-ზემო სვანეთის დანიშნულების ადგილის მართვის ორგანიზაციის (DMO) ორგანიზებით და USAID პროექტი "ზრდას", საქართველოს ტურიზმის ეროვნული ადმინისტრაციის, რუხის სავაჭრო ცენტრის, საქართველოს გასტრონომიის ასოციაციის და რეგიონული ხელისუფლების მხარდაჭერით ხორციელდება. ღონისძიების ერთ-ერთი მნიშვნელოვანი კომპონენტია კონკურსი სხვადასხვა სახეობის ხაჭაპურის მომზადებაში (მეგრული, იმერული, აჭარული, გურული, რაჭული, სვანური, მესხური, ქისტური, ოსური, თუშური), რის შედეგადაც ჟიურის წევრების მიერ საქართველოს გასტრონომიულ ასოციაციასთან ერთად გამოვლინდებიან და დაჯილდოვდებიან სხვადასხვა ნომინაციის გამარჯვებულები. ფესტივალზე ასევე წარმოდგენილი იქნება ცნობილი ადგილობრივი პროდუქტები და კერძები (ელარჯი, აჯიკა და სხვა კერძები, ხელნაკეთი ნივთები), ბავშვების კუთხე მათზე მორგებული გასართობი პროგრამით და სხვ.

18-10-2019

წყარო: radioatinati

03-04-2019

ქუთაისის მიმართულებით გდანსკიდან პირველი ავიარეისი შესრულდა

29-05-2019

ახალი 100 და 200-ევროიანი ბანკნოტები მიმოქცევაში შევიდა

10-04-2019

კობა გვენეტაძე მსესხებლის წერილს ასაჯაროებს - მათ საყურადღებოდ, ვინც გადახდისუნარიანობის შემოწმების გარეშე სესხების გაცემის თავგადაკლული მომხრეა

27-10-2022

აკადემიური სტატიების კონკურსი ახალგაზრდა მკვლევრებისთვის

27-10-2022

აკადემიური სტატიების კონკურსი ახალგაზრდა მკვლევრებისთვის

03-04-2019

ქუთაისის მიმართულებით გდანსკიდან პირველი ავიარეისი შესრულდა

29-05-2019

ახალი 100 და 200-ევროიანი ბანკნოტები მიმოქცევაში შევიდა

10-04-2019

კობა გვენეტაძე მსესხებლის წერილს ასაჯაროებს - მათ საყურადღებოდ, ვინც გადახდისუნარიანობის შემოწმების გარეშე სესხების გაცემის თავგადაკლული მომხრეა


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ