საქართველოში ბელარუსის დახმარებით მეცხოველეობის ცენტრი იქმნება, - ამის შესახებ ეკონომიკისა და მდგრადი განვითარების მინისტრმა გიორგი ქობულიამ დღეს საქართველო ბელარუსის ეკონომიკური თანამშრომლობის მთავრობათაშორისი კომისიის მეხუთე სხდომის დასრულების შემდეგ განაცხადა.

მინისტრის თქმით, ბელარუსს ძალიან ძლიერი მეცხოველეობის სექტორი აქვს.

„ამ მიმართულებით შეიქმნა საერთო პროექტი, კერძოდ, საქართველოში ბელარუსის დახმარებით მეცხოველეობის ცენტრი იქმნება, ისინი ჩვენ გადმოგვცემენ 100-ზე მეტ სპეციალური ჯიშის მსხვილფეხა საქონელს, რაც ამ სექტორის გაძლიერების და განვითარების საშუალებას მოგვცემს“, - აღნიშნა ეკონომიკის მინისტრმა.