დღეს საქართველოს სავაჭრო-სამრეწველო პალატა გამართავს პრეზენტაციას - „DCFTA საინფორმაციო ცენტრი - მიღწევები ქართველი მეწარმეებისთვის სერვისების მიწოდების საქმეში“, რომლის მხარდამჭერები არიან საქართველოში ევროკავშირის წარმომადგენლობა და GIZ (გერმანიის საერთაშორისო თანამშრომლობის საზოგადოება).

ღონისძიებას გახსნის ქ-ნი ნინო ჩიქოვანი და მისასალმებელი სიტყვებით წარსდგებიან ევროკავშირის წარმოამდგენლობის ხელმძღვანელის მოადგილე ბ-ნი კარლო ნატალე, ეკონომიკისა და მდგრადი განვითარების მინისტრის მოადგილე ბ-ნი გენადი არველაძე, გარემოს დაცვისა და სოფლის მეურნეობის მინისტრის მოადგილე გელა ხანიშვილი და GIZ-ის „კერძო სექტორის განვითარება და პროფესიული განათლება სამხრეთ კავკასიაში“ პროგრამის დირექტორი ქ-ნი კატია კამერერი.

ღონისძიებას დაესწრება 200-ზე მეტი მეწარმე საქართველოს სხვადასხვა კუთხიდან, ბიზნეს საზოგადოებისა და საერთაშორისო ორგანიზაციების წარმომადგენლები.