რიგით მესამე გრეის ჰოპერის ჯილდოს 2023 წლის გახსნის ღონისძიება დღეს თიბისი კონცეპტის მულტიფუნქციურ სივრცეში გაიმართა. ღონისძიებაზე ჯილდოს მხარდამჭერი ორგანიზაციების წარმომადგენლებმა, გასული წლის გამარჯვებულებმა და ტექნოლოგიურ სფეროში მოღვაწე ქალებმა გრეის ჰოპერის ჯილდოს მნიშვნელობაზე ისაუბრეს.

გრეის ჰოპერის სახელობის ჯილდოზე საკუთარი განაცხადის გაგზავნის გარდა, შესაძლებელია სხვა ადამიანების, სტარტაპების, ორგანიზაციებისა და პროგრამების წარდგენაც. ჯილდოზე რეგისტრაცია 5 მაისის ჩათვლით იქნება შესაძლებელი, შემდგომ მისამართზე: https://www.ictwomen.ge/

ადგილობრივი და საერთაშორისო ჟიური ფინალისტებს 4 ივნისს გამოავლენს, დაჯილდოების ცერემონია კი 16 ივნისს გაიმართება.

წყარო: The USAID Economic Security Program