გამოცხადდა იდეების საგრანტო კონკურსი დამწყები სოციალური საწარმოებისთვის
"საქართველოს სტრატეგიული კვლევებისა და განვითარების ცენტრი" (CSRDG) აცხადებს დამწყები სოციალური საწარმოებისთვის იდეების საგრანტო კონკურსს.
კონკურსში ჩართვა შეუძლია სასტარტო (Start-up) ეტაპზე მყოფ და ახალ სოციალურ საწარმოებს, რომლებიც საჭიროებენ დამატებით რესურსებს, რათა განახორციელონ ინოვაციური იდეები და შექმნან მდგრადი სოციალური საწარმო.
საგრანტო კონკურსში მონაწილეობის მიღებისათვის სავალდებულოა მოთხოვნილი საგრანტო დაფინანსების მინიმუმ 10% -იანი ფინანსური თანამონაწილეობა.
განაცხადის წარდგენა
სოციალური საწარმოს განაცხადის ფორმის წარდგენა შესაძლებელია ელექტრონულად, ელ. ფოსტის საშუალებით, მისამართზე: social.enterprise.ge@gmail.com
გთხოვთ, განაცხადის გამოგზავნისას სათაურში მიუთითეთ: "დამწყები სოციალური საწარმოს იდეის განაცხადი".
განაცხადის შემოტანის ბოლო ვადაა 2022 წლის 8 დეკემბერი, 18:00 სთ.
დეტალური ინფორმაციისთვის
საგრანტო-კონკურსის-სახელმძღვანელო-წესები
საკონსულტაციო შეხვედრა ონლაინ სივრცეში
დაინტერესებულ პირებთან საკონსულტაციო შეხვედრა ჩატარდება ონლაინ, Zoom- პლატფორმის გამოყენებით, 11 და 28 ნოემბერს, 11:00 საათზე.
შეხვედრაზე რეგისტრაციის ლინკის მისაღებად დააჭირეთ:
საინფორმაციო შეხვედრა ფიზიკურ სივრცეში
კონკურსის I ეტაპზე, განაცხადების მიღების დასრულებამდე, ჩატარდება საინფორმაციო შეხვედრა თელავში, კახეთში.
თარიღი: 8 ნოემბერი, 15:00-17:00 საათი
მისამართი: ქალაქი თელავი, 2200, ილია ჭავჭავაძის გამზირი N160, კახეთის მედია ცენტრის ოფისი.
წყარო: საქართველოს სტრატეგიული კვლევებისა და განვითარების ცენტრი
