|
| 1331 |
|---|
შიდა ქართლის გუბერნატორმა გრინვეის სერვის ცენტრი დაათვალიერა
| დღეს შიდა ქართლის გუბერნატორი გიორგი ხოჯევანიშვილი სს "გრინვეი საქართველოს" სერვის ცენტრს ეწვია, რომელიც სოფელ რუისში მდებარეობს. გიორგი ხოჯევანიშვილმა, ადგილობრივი ხელისუფლების წარმომადგენლებთან ერთად გრინვეის ტექნიკური ინსპექტირების ცენტრი დაათვალიერა, გაეცნო სამუშაო პროცესს და საქართველოს ავტოინდუსტრიაში მიმდინარე ერთ-ერთი ყველაზე მნიშვნელოვანი რეფორმა, ავტომობილების სავალდებულო ტექნიკური ინსპექტირების მიმდინარეობა შეაფასა. სს "გრინვეი საქართველო" ავტომობილების ტექნიკური ინსპექტირების ყველაზე დიდი ქსელია საქართველოში. კომპანიის 10 სერვის ცენტრი თბილისშია განთავსებული, 16 კი საქართველოს სხვადასხვა რეგიონებში. ასევე, მაღალთიანი მოსახლეობის მოთხოვნების დასაკმაყოფილებლად, კომპანია გადასატან ტექინსპექტირების სადგურებს ფლობს. სს "გრინვეი საქართველოს" პარტნიორია ესპანური ტექნიკური ინსპექტირების ბრენდი "Applus", რომელიც მსოფლიოს 70 ქვეყანაში ოპერირებს. სწორედ, ესპანური გამოცდილების გათვალისწინებით მოეწყო ტექინსპექტირების ქსელი საქართველოში და "გრინვეი" მთელი საქართველოს მასშტაბით მომხმარებელს მაღალკვალიფიციურ და კომფორტულ მომსახურებას სთავაზობს. კომპანიამ დარგის განვითარებაში უკვე განახორციელა 52 მილიონის ინვესტიცია და შექმნა 330 სამუშაო ადგილი. უშუალოდ რუისში მდებარე სერვის ცენტრში დასაქმებულია 9 პირი. აღნიშნულმა ცენტრმა ტექნიკური ინსპექტირება უკვე ჩაუტარა 2000-მდე ავტომობილს. გრინვეის ქსელში კი სავალდებულო ტექნიკური ინსპექტირება თითქმის 50 ათასმა ავტომობილმა გაიარა. |
03-04-2019
წყარო: on.ge
|
06-09-2019 უნიკალური შანსი საქართველოსთვის – აშშ-ს რევოლუციური ენერგეტიკული შეთავაზება ევროპას |
|---|
|
01-11-2022 Pre-seed აქსელერატორი Founder Institute Georgia მორიგ ღონისძიებას მართავს |
|
25-03-2019 „50 უცხოელი ვიზიტორიდან 3-4 ნადირობის სურვილს გამოთქვამს“ – აქვს თუ არა საქართველოს სამონადირეო ტურიზმის განვითარების პოტენციალი |
|
05-04-2019 საერთაშორისო გამოფენა - Automechanika Istanbul |
