|
1369 |
---|
ჩინეთში ბიტკოინების მაინინგის აკრძალვას გეგმავენ
ჩინეთის განვითარებისა და რეფორმების სახელმწიფო კომიტეტმა ქვეყანაში ბიტკოინების წარმოების აკრძალვა გადაწყვიტა. ამის შესახებ ნათქვამია იმ სფეროების ჩამონათვალის პროექტში, რომელთა მხარდაჭერას, შეზღუდვას ან აკრძალვასაც უწყება გეგმავს. Reuters-ის ინფორმაციით, ბიტკოინების მაინინგი შედის წარმოების 450 სახეობაში, რომელთა შეზღუდვა, შემდეგ კი აკრძალვა არის გადაწყვეტილი. 7 მაისამდე პროექტი საზოგადოებრივი განხილვის სტადიაზე იქნება. თუ დოკუმენტის საბოლოო ვერსიაში ბიტკოინების მაინინგიც იქნება, სიის გამოქვეყნებისთანავე დოკუმენტი ძალაში შევა. კრიპტოვალუტების ბაზრის შეზღუდვა ჩინეთში 2017 წელს დაიწყო, როდესაც ხელისუფლებამ კრიპტოვალუტის გაცვლითი ოპერაციები აკრძალა. 2018 წელს ინტერნეტით გავრცელდა ოფიციალური დოკუმენტი, რომელშიც ჩინეთში ბიტკოინების მაინინგის აკრძალვის აუცილებლობაზეა საუბარი და მიზეზად ელექტროენერგიის დიდი ხარჯები და სპეკულაციის საფრთხე სახელდება. ამასთან, ბიტკოინების და სხვა კრიპტოვალუტის მოპოვებისთვის საჭირო მოწყობილობების წარმოების მხრივ ჩინური ბაზარი მსოფლიოში პირველ ადგილზეა. 2 აპრილს ბიტკოინის ღირებულებამ 20%-ით მოიმატა და 5 000 დოლარს გადააჭარბა. სავარაუდოდ, კურსის ასეთი მკვეთრი ცვლილება რამდენიმე მსხვილმა გარიგებამ გამოიწვია. ამჟამად 1 ბიტკოინის ფასი დაახლოებით 5,2 ათასი დოლარის ფარგლებში მერყეობს. |
10-04-2019
წყარო: imedinews.ge
27-05-2019 Get Erasmus+ experience! |
---|
25-06-2019 ღვინის ეროვნული სააგენტო: ქართული ღვინის ხარისხის კონტროლი ერთ-ერთი უმთავრესი პრიორიტეტია |
08-04-2019 Netflix-ი ფასებს ზრდის |
26-07-2019 პროგრამაში საკრედიტო–საგარანტიო სქემა ქვეყნის 12 უმსხვილესი ბანკი ჩაერთო |