მაისის მეორე ნახევარშია დაგეგმილი. ინფორმაციას საქართველოს ეროვნული ბანკი (სებ) ადასტურებს.

სებ-ის ცნობით, ვაშინგტონში ვიზიტით მყოფი ეროვნული ბანკის პრეზიდენტი კობა გვენეტაძე მონაწილეობას მიიღებს სამუშაო შეხვედრებში, რომელიც საერთაშორისო სავალუტო ფონდის დირექტორის საქართველოში ვიზიტს უკავშირდება.

ეს არის პირველი შემთხვევა, როდესაც საქართველოში სავალუტო ფონდის დირექტორი ჩამოდის.

საქართველოში საერთაშორისო სავალუტო ფონდის მიერ „გაფართოებული დაფინანსების მექანიზმით მხარდაჭერილი“ პროგრამა მიმდინარეობს.

2018 წლის 19 დეკემბერს სსფ-ის აღმასრულებელმა დირექტორთა საბჭომ საქართველოს მიმდინარე სამწლიანი პროგრამის მესამე მიმოხილვა დაამტკიცა, რის შემდეგაც საქართველოსთვის ხელმისაწვდომი გახდა 30 მილიონი ეს დე ერი (დაახლოებით 41.6 მილიონი აშშ დოლარი). შედეგად სსფ-იდან ჩარიცხვები ამ პროგრამის ფარგლებში 120 მილიონ ეს დე ერ-ს (166.3 მილიონი აშშ დოლარი) გაუტოლდა.

გაფართოებული დაფინანსების მექანიზმით მხარდაჭერილი პროგრამა სულ 210.4 მილიონი ეს დე ერ-ის, ანუ საქართველოს კვოტის 100 პროცენტის ჩარიცხვას ითვალისწინებს.