|
1380 |
---|
GWP-ში აცხადებენ, რომ ჭავჭავაძის რეაბილიტაციის გამო წყლის მიწოდება მასობრივად არ შეიზღუდება
„ჯორჯიან ვოთერ ენდ ფაუერში“ აცხადებენ, რომ ჭავჭავაძის რეაბილიტაციას გამო წყლის მიწოდებაზე მასობრივი შეზღუდვები არ იქნება. GWP-ის გენერალური დირექტორის ირაკლი ბაბუხადიას თქმით, ასფალტის საფარის აღების სამუშაოები დღეს დაიწყო, წყალარინებისა და წყალმომარაგების სისტემების გამოცვლის სამუშაოები კი 2 ივნისს დაიწყება. „მინდა ხაზი გავუსვა იმას, რომ ჭავჭავაძის გამზირზე ასეთი მასშტაბური სარეაბილიტაციო სამუშაოები გამზირის ისტორიაში არასდროს განხორციელებულა. პირველი ეტაპის სამუშაოები არის უნივერსიტეტის პირველი კორპუსიდან ატენის ქუჩამდე. ამას დასჭირდება 3 თვის სამუშაო. GWP-ის მხრიდან გამოიცვლება 2.7 კმ-ის ქსელი, რაშიც კომპანია განახორციელებს 3.5 მილიონი ლარის ინვესტიციას. იქედან გამომდინარე, რომ ეს არის ძალიან მნიშვნელოვანი პროექტი და არ გვქონდა იმის უფლება, რომ იყოს იყოს გადაცდენები დროის თვალსაზრისით, ავიყვანეთ ავსტრიული კომპანია ILF, რომელმაც შეაფასა სამუშაოს დაგეგმვა და სამუშაო პროცესი, რაც მთლიანად გაწერილია მსოფლიოში გაწერილი სტანდარტების მიხედვით", - განაცხადა ბაბუხადიამ. მისივე თქმით, ჯერ შეიცვლება მილები, შემდეგ კი დაიწყება გადაერთების სამუშაოები. „მოვუწოდებ მოსახლეობას ისარგებლონ GWP-ის სპეციალური მომსახურებით. მოსახლეობას შეუძლია დარეგისტრირდეს ტელეფონის საშუალებით და აბონენტის ნომრის მიხედვით გაიგოს, როდის იქნება გეგმური წყვეტები. ჩვენ არ ველოდებით, რომ მასობრივი წყვეტები იქნება. წყალი შეწყდება მხოლოდ და მხოლოდ გადაერთების სამუშაოების დროს“, - განაცხადა ბაბუხადიამ. დღეიდან ჭავჭავაძის გამზირის ნაწილი გადაკეტილია. დაგეგმილია ასფალტის საფარისა და მიწისქვეშა კომუნიკაციების განახლება, ასევე შეიცვლება განათება. რეაბილიტაციის პროცესში სპეციალურ რეჟიმში იმოძრავებენ ავტომანქანები. |
30-05-2019
წყარო: imedinews.ge
01-11-2022 თბილისში ოთხოთახიანი ბინის მიღების მოთხოვნით დევნილი ოჯახების განაცხადების შევსება დაიწყო |
---|
10-10-2022 ერთად ოზონის შრის დასაცავად |
25-11-2019 ფსიქოაქტიური ნივთიერებების მოხმარების შედეგები ქალებში |
03-05-2019 ტურიზმის ეროვნული ადმინისტრაცია - აპრილში საქართველოში ტურისტული ვიზიტების რაოდენობა 4.2%-ით გაიზარდა |