✔ სააგენტოს ,,აწარმოე საქართველოში“ ახალ პროგრამაში „საკრედიტო-საგარანტიო სქემა“ ქვეყნის 12 უმსხვილესი ბანკი ჩაერთო;

✔ პროგრამა ბანკების: „თიბისი“, „საქართველოს ბანკი“, „ქართუ“, „პროკრედიტი“, „ვითიბი“, „იშ ბანკი“, „ლიბერთი“, „პაშა ბანკი“, „ტერა ბანკი“, „ფინკა ბანკი“, „ხალიკ ბანკი“და „კრედო ბანკი“ პარტნიორობით განხორციელდება;

✔ საკრედიტო-საგარანტიო სქემის ფარგლებში, მეწარმე სუბიექტს შეეძლება არანაკლებ 50 ათასი და არაუმეტეს 2 მლნ ლარის მოცულობის სესხის აღება. ამასთანავე მსესხებლის ბრუნვა ბოლო 3 წლის განმავლობაში, საშუალოდ, არ უნდა აღემატებოდეს 20 მლნ ლარს და მისი მთლიანი სასესხო ვალდებულება სესხის აღების მომენტისთვის არ უნდა აღემატებოდეს 8 მლნ ლარს;

✔ საკრედიტო საგარანტიო სქემა დაფუძნებული იქნება პორტფელის გარანტიებზე. სესხის შეფასება ხორციელდება ბანკის მიერ და მისი დამტკიცების შემთხვევაში, სახელმწიფო მეწარმეს უზრუნველყოფის 70%-ის გარანტორად ჩაუდგება;

✔ პროგრამის მიმართულებები იქნება: სასტუმრო ინდუსტრია; წარმოება და გადამუშავება; საგანმანათლებლო საქმიანობა; ტრენინგ ცენტრები; სერვისების ექსპორტი; მაღალტექნოლოგიური სამედიცინო ლაბორატორიები და კვლევა და დამუშავება.