|
| 685 |
|---|
ინდონეზიის რესპუბლიკის მთავრობის სტიპენდიები 2023-2024 აკადემიური წლისათვის
| ინდონეზიის რესპუბლიკის მთავრობა აცხადებს სტიპენდიებს 2023-2024 აკადემიური სასწავლო წლისათვის ინდონეზიის სხვადასხვა უმაღლეს სასწავლებელში ბაკალავრიატის, მაგისტრატურისა და დოქტორანტურის საფეხურის სტუდენტებისათვის. ძირითადი მოთხოვნები KNB სტიპენდიის მისაღებად: KNB სტიპენდიის მფლობელმა სტუდენტებმა უნდა გაიარონ ინდონეზიური ენის მოსამზადებელი პროგრამა, რომელიც გრძელდება ერთი აკადემიური წელი. ბაკალავრიატის საფეხურზე სტიპენდიის მოსაპოვებლად კანდიდატის მაქსიმალური ასაკია 25 წელი, მაგისტრატურის საფეხურის კანდიდატისა – 35, დოქტორანტურის კი – 40 წელი. კანდიდატს სტიპენდიის მისაღებად ანალოგიურ საფეხურზე აქამდე არ უნდა ჰქონდეს მიღებული ხარისხი და უნდა ფლობდეს წინა სასწავლო საფეხურის დიპლომს, ბაკალავრიატის შემთხვევაში – სკოლის ატესტატს. ბაკალავრიატის საფეხურის სტუდენტებისათვის სტიპენდიის ხანგრძლივობა 8 სემესტრია (48 თვე), მაგისტრატურის სტუდენტებისათვის – 4 სემესტრი (24 თვე), ხოლო დოქტორანტურის საფეხურის სტუდენტებისთვის – 6 სემესტრი (36 თვე). დაინტერესებული პირებისთვის განაცხადის წარდგენის ბოლო ვადაა 2023 წლის 18 თებერვალი. განაცხადის წარსადგენად ეწვიეთ ბმულს. დეტალური ინფორმაციის მისაღებად გთხოვთ, იხილოთ თანდართული ფაილი. ინდონეზიის მთავრობის სტიპენდიების გზამკვლევი
|

09-02-2023
წყარო: ინდონეზიის რესპუბლიკის მთავრობა
|
17-03-2019 „ჩვენი პროგნოზით, წელს სადაზღვევო ინდუსტრია 50 მილიონ ლარამდე მოგებაზე გავა“ |
|---|
|
17-07-2019 ქალთა ოთახის სერვისებით სარგებლობის შეფასება |
|
04-10-2019 ქართული კომპანია მსოფლიო ბრენდის M&S ოფიციალური მიმწოდებელი გახდა |
|
18-10-2022 თიბისის მხარდაჭერით სტარტაპ პრე-აქსელერატორი იწყება |