"ხელოვნების საერთაშორისო ცენტრი" (GACC), "ევროპული ტურიზმის კულტურული ინსტიტუტი" (Eureka NPO), "ქ. მიკოლაევის განვითარების ფონდი" (FDM) და სტუდია "არტისტი" აცხადებენ საერთაშორისო ფოტოკონკურსს თემაზე "ტურიზმი, მემკვიდრეობა და შემოქმედებითობა".

ფოტოკონკურსი ემსახურება შავი ზღვის აუზის ქვეყნების და რეგიონების შემოქმედებითი ტურისტული ადგილების პოპულარიზაციას და ხორციელდება პროექტის "ტურიზმი, მემკვიდრეობა და შემოქმედებითობა" ფარგლებში, რომლის მიზანიცაა შავი ზღვის აუზის რეგიონში მემკვიდრეობასა და კულტურაზე დაფუძნებული შემოქმედებითი ტურიზმის განვითარების ხელშეწყობა.

საკონკურსო ნამუშევრები უნდა ასახავდეს საქართველოს, ბულგარეთში - დობრიჩისა და უკრაინაში - მიკოლაევის ოლქის შემოქმედებითი ტურიზმის მიმართულებებს - მხატვრულ რეწვას, გასტრონომიასა და ღვინოს, სოციალურ პრაქტიკას, რიტუალებსა და სადღესასწაულო ღონისძიებებს, ფესტივალებს, საშემსრულებლო ხელოვნებას, ცოდნასა და პრაქტიკას ბუნებისა და სამყაროს შესახებ, არტ რეზიდენციებს და კულტურული ტურიზმის სხვა აქტივობებს. უპირატესობა მიენიჭება ფოტოებს, რომლებიც ასახავს არა მხოლოდ რეგიონის მდიდარ რესურსებს და ულამაზეს პეიზაჟებს, არამედ ტურისტებისა და ადგილობრივი მოსახლეობის ურთიერთქმედებას. გარდა ამისა, წარდგენილ ფოტოებმა შეიძლება ასახონ შავი ზღვა, როგორც ბუნებრივი კულტურული მემკვიდრეობის გამოხატულება.

პროექტი ტურიზმის, მემკვიდრეობა, შემოქმედებითობა (THC1130) დაფინანსებულია ევროკავშირის მიერ და ხორციელდება შავი ზღვის აუზის ქვეყნების ერთობლივი სამოქმედო პროგრამის მხარდაჭერით.

კონკურსში მონაწილეობის დეტალურ პირობებს გაეცანით თანდართულ დოკუმენტში.

თანდართული დოკუმენტაცია იხილეთ ბმულზე

წყარო: https://jobs.ge/