26 მაისს, საქართველოს დამოუკიდებლობის დღისადმი მიძღვნილი ზეიმის ფარგლებში, რუსთაველის გამზირზე, 1-ლი კლასიკური გიმნაზიის ეზოში შოთა რუსთაველის საქართველოს ეროვნული სამეცნიერო ფონდი წარმოადგენს მისი გრანტიორების, კონკურსებში გამარჯვებულები გამომგონებლების მიერ შექმნილ საინტერესო ინოვაციურ მოწყობილობებს, მექანიზმებს: 

► მსოფლიო დონის სამგანზომილებიანი სტერეოსკოპული აგრეგატი 
► ნეიტრონების დეტექტორი ბირთვული უსაფრთხოებისთვის და კერამიკული ნაკეთობები 
► ეროვნული სამოსის კვლევა - კვლევის ფარგლებში შექმნილი ქართული ეროვნული სამოსის ნიმუშების პრეზენტაცია
► გამომგონებელი ბავშვები გამართავენ შემეცნებით ინტერაქტიულ ვიქტორინას - ზეიმის მონაწილე ახალგაზრდებს შესაძლებლობა ექნებათ, უპასუხონ კითხვებს და გამარჯვებულები დაჯილდოვდებიან სიმბოლური პრიზებით.

ასევე წარმოდგენილი იქნება ფონდის მიერ განხორციელებული მოსწავლე გამომგონებელთა და მკვლევართა კონკურსის - „ლეონარდო და ვინჩის“ გამარჯვებული ახალგაზრდების მიერ შექმნილი ინოვაციური მოწყობილობები - ჩვენება წარიმართება ზეიმის მონაწილეების ჩართულობით: 
► Health care - გარემოს მრავალფუნქციური მონიტორინგის სისტემა; სკოლა: სერვანტესის სახელობის გიმნაზია „AIA-GESS”; დეა ილარიონოვა; შორენა გუჯაბიძე; მარინა გუჯაბიძე;
► უსინათლოს სიარულის მაკორექტირებელი სენსორული სისტემა; ნატა სულაქველიძე; გვანცა მაჩიტიძე; სკოლა: ქ. ქუთაისის 22-ე საჯარო სკოლა, ნიკო ნიკოლაძის სახ. სკოლა-ლიცეუმი
► ფერადი ქიმია - ზესტაფონის მუნიციპალიტეტის სოფელ ზოვრეთის საჯარო სკოლა
► "კვების პროდუქტები, მენიუ კალორიებით - ერთი ნაბიჯი ჯანსაღი კვებისაკენ“ - ერეკლე თაბაგარი, ნინო მაკასარაშვილი, თამარ დეკანოიძე - ქ. საჩხერის სსიპ ილია ჭავჭავაძის სახ. მეორე საჯარო სკოლა, გენერალ გიორგი კვინიტაძის სახ. კადეტთა სამხედრო ლიცეუმი.