ახალი 100 და 200-ევროიანი ბანკნოტები მიმოქცევაში შევიდა, რომლის მიზანიც ახალი კუპიურების დაცვის მექანიზმის გაძლიერება და ფულის გაყალბებასთან ბრძოლაა. ინფორმაციას Deutsche Welle ავრცელებს.

ახალ კუპიურებზე რიცხვები უფრო ფართოდ არის გამოსახული, აქვს სატელიტური ჰოლოგრამა და დაბეჭდილია უფრო კონტრასტული ჩრდილებით, ვიდრე ძველი კუპიურა. 

"ჩვენ გვსურს შევიმუშაოთ დაცვის ძალიან რთული მექანიზმები, რადგან გვსურს წინ ვუსწრებდეთ გამყალბებლებს", - განაცხადა ევროპის ცენტრალური ბანკის ბანკნოტების დირექტორმა ტონ რუტსმა. 

ძველი 100 და 200-ევროიანი კუპიურები კვლავ მოქმედი იქნება, თუმცა მიმოქცევიდან თანდათან ამოიღებენ.