|
1313 |
---|
ლევან ვეფხვაძე ბიზნესომბუდსმენის მანდატის გაძლიერებას მიესალმება
► ბიზნესასოციაციის აღმასრულებელი დირექტორი ლევან ვეფხვაძე ბიზნესომბუდსმენის მანდატის შესაძლო გაძლიერებას მიესალმება. ► ლევან ვეფხვაძის განმარტებით, ბიზნესომბუდსმენის აპარატის აქტიურობა რეგულაციების გავლენის შეფასების ნაწილში განსაკუთრებით მნიშვნელოვანია. ► „ნებისმიერ საკანონმდებლო ინიციატივას, რომელიც გავლენას ახდენს ჩვენს ყოველდღიურ ცხოვრებაზე, კომპანიების ბიზნესსაქმიანობაზე, სჭირდება შესაბამისი დასაბუთება. ჩვენთან რეგულაციები შემოდიოდა ერთ ღამეში, ისე რომ არანაირი წინასწარი დასაბუთება არ ჰქონდა ბიზნესს. მივესალმები, თუ ამ კუთხით მეტი ვალდებულებები შემოვა და პროცესში ბიზნესომბუდსმენის აქტიური ჩართულობა იქნება. ჩვენ, რა თქმა უნდა, მონაწილეობას მივიღებთ ამ პროცესში“, – განაცხადა ლევან ვეფხვაძემ. ► მისივე განმარტებით, რეგულაციების გავლენის შეფასების აზრი მოსალოდნელი სარგებლისა და ზიანის დანახვა და წინასწარი ანალიზია. ► „მოსალოდნელი სარგებელი უნდა აღემატებოდეს იმ დანახარჯს, რომელიც საზოგადოების სხვა წევრებმა შეიძლება გასწიონ ამ რეგულაციის გამო“, – განაცხადა ბიზნესასოციაციის აღმასრულებელმა დირექტორმა. ► ამასთან, აღნიშნულ საკითხზე დღეს განცხადება ბიზნესომბუდსმენმა ირაკლი ლექვინაძემაც გააკეთა. მისის თქმით, მოხარულია, რომ სამთავრობო პროგრამაში ბიზნესომბუდსმენის ინსტიტუტის გაძლიერების საკითხს ცალკე ადგილი დაეთმო. მან კონსულტაციებისთვის მზადყოფნა გამოთქვა. |
06-09-2019
წყარო: 1tv.ge
27-02-2019 ადიგენის რაიონის სოფელ უდეში პროექტი „SAY YES“ „თქვი კი“ – ფარგლებში დუალური განათლების შესახებ შეხვედრა გაიმართა |
---|
12-12-2019 ჯადოსნური საშობაო სოფელი სითი მოლში-Christmas Fair at City Mall |
04-04-2019 შემოსავლების სამსახურის უფროსის მოადგილე ზურაბ ძნელაშვილი აპტოსის საკონფერენციო დარბაზში დისტრიბუტორთა ბიზნეს ასოციაციის წევრი კომპანიების წარმომადგენლებს შეხვდნენ |
03-05-2019 საქართველოს ბანკის ფინანსური მხარდაჭერით მსოფლიო ბრენდის სასტუმრო Wyndham Grand-ი გაიხსნა |