„ღია მმართველობის პარტნიორობის“ (OGP) რიგით მე-8 გლობალური სამიტი 2023 წლის 6-7 ოქტომბერს ესტონეთის დედაქალაქ ტალინში, „ტელისკივის შემოქმედებით ქალაქში“ გაიმართება. 

სამიტზე მიწვეულები არიან OGP-ის წევრი სახელმწიფოების სამთავრობო და არასამთავრობო ორგანიზაციებისა და, ზოგადად, ღია მმართველობის თემის წარმომადგენლები. სამიტს მსოფლიოს სხვადასხვა წერტილიდან 2,000-მდე ადამიანი ეწვევა, რომელთა შორისაც იქნებიან მთავრობათა ხელმძღვანელები, სამოქალაქო საზოგადოების ორგანიზაციების წევრები და პოლიტიკოსები. 

სამიტზე განიხილება ისეთი თემები, როგორებიცაა ღია მმართველობა ციფრულ ერაში, ტექნოლოგიის პოტენციალი, გახადოს მმართველობა და პოლიტიკა მეტად გამჭვირვალე და ანგარიშვალდებული და დემოკრატიის დაცვა. 

OGP-ის სამიტის დაწყების წინა დღეს, 5 სექტემბერს, მთავრობისა და სამოქალაქო საზოგადოების წარმომადგენლები ტრენინგების, სამუშაო შეხვედრებისა და დისკუსიების სერიაში ჩაერთვებიან. 

რეგისტრაცია ღიაა 28 მაისამდე. მედიის წარმომადგენლები აკრედიტაციის მიღებას ზაფხულის მეორე ნახევრიდან შეძლებენ. 

„ღია მმართველობის პარტნიორობა“ (OGP) აერთიანებს 75 ქვეყანას, 106 ადგილობრივ მმართველობასა და ათასობით სამოქალაქო საზოგადოების ორგანიზაციას. OGP ახორციელებს აღმოსავლეთ პარტნიორობისთვის განკუთვნილ პროგრამას, „ევროკავშირი ინტეგრაციისთვის“ — ესაა მრავალწლიანი თანამშრომლობა, რომელიც რეგიონში ინოვაციური რეფორმების მხარდაჭერას ისახავს მიზნად. 

დამატებითი ინფორმაცია

პრესრელიზი

დახურვის თარიღი:

მაისი 28, 2023

წყარო: https://euneighbourseast.eu/