სააგენტოს „აწარმოე საქართველოში“ ორგანიზებით, საქართველოს მთის კურორტების და კომპანიის „რედკო“ მხარდაჭერით, 24 მარტს 11:00-19:00 საათამდე, გუდაურში, სამეწარმეო ბაზრობა გაიმართება, რომლის მიზანია ქართული პროდუქციის პოპულარიზაცია და ქართველი მეწარმეების მხარდაჭერა.
 ღონისძიება იქნება გამორჩეული მისი მრავალფეროვნებით. სწორედ გამორჩეული და ერთმანეთისგან განსხვავებული მეწარმეების ერთობლიობა შექმნის საინტერესო და უნიკალურ სავაჭრო სივრცეს, როგორც ადგილობრივი სტუმრებისთვის, ასევე ტურისტებისთვის.
 ღონისძიების ფარგლებში, მოეწყობა სამოყვარულო ტურნირი სრიალში, რომელშიც მონაწილეობის მიღება სააგენტოს ბენეფიციარებს შეეძლებათ.
 სამეწარმეო ბაზრობაზე მონაწილეობის მიღება შეუძლია საკვები და სასმელი პროდუქციის მწარმოებელ მეწარმეებს და ასევე, მეწარმეებს, რომლებიც ზამთრის აქსესუარებს აწარმოებენ.
 სამეწარმეო ბაზრობაში მონაწილეობის მიღებისთვის გთხოვთ, გაიაროთ რეგისტრაცია შემდეგ ბმულზე: https://bit.ly/2EVRga1
 თუ ხართ სააგენტოს „აწარმოე საქართველოში“ რომელიმე პროგრამის ან მიმართულების ბენეფიციარი და გიყვართ სრიალი, მაშინ ისრიალეთ ჩვენთან ერთად: https://bit.ly/2EVRga1
 დამატებითი ინფორმაციისთვის გთხოვთ, დაუკავშირდეთ სააგენტოს მომსახურების ცენტრს ნომერზე: 1525