|
1329 |
---|
ფონდის გენერალური დირექტორის ოფიციალური ვიზიტი DAAD-სა და DFG-ში
მიმდინარე წლის 7 და 8 მარტს, შოთა რუსთაველის საქართველოს ეროვნული სამეცნიერო ფონდის გენერალური დირექტორი - ზვიად გაბისონია, ბონში ვიზიტის ფარგლებში, გერმანიის აკადემიური გაცვლის სამსახურისა (DAAD) და გერმანიის კვლევითი ფონდის (DFG) ხელმძღვანელობას შეხვდა. შეხვედრის ფარგლებში, ფონდსა და DAAD-ს შორის გაფორმდა ურთიერთგაგების მემორანდუმი (Memorandum of Understanding), რომელიც გულისხმობს ახალი პროგრამის - “მობილობის პროგრამა ერთობლივი სამეცნიერო პროექტებისთვის” (PPP Programmes for Project-Related Personnel) განხორციელებას. პოსტსაბჭოთა სივრციდან საქართველო იქნება პირველი სახელმწიფო, რომელთან ერთადაც DAAD აღნიშნულ პროგრამას განახორციელებს. გარდა ამისა, ფონდის გენერალური დირექტორი შეხვდა DFG-ს წარმომადგენლობას. მხარეებმა ისაუბრეს სამომავლო თანამშრომლობის განხორციელებასა და ერთობლივი ბილატერალური პროგრამების დაგეგმვაზე. გერმანიის კვლევითი ფონდის წარმომადგენლების მხრიდან ფონდში ვიზიტი იგეგმება მიმდინარე წლის სექტემბერში, რომლის ფარგლებშიც ისინი წარმოადგენენ DFG-ს სამეცნიერო პრიორიტეტებსა და დაფინანსების სქემებს. DFG-ს წლიური ბიუჯეტი 3,2 მილიარდ ევროს შეადგენს, რომლის ფარგლებშიც ფინანსდება ყველა სამეცნიერო მიმართულება. |
11-03-2019
წყარო: შოთა რუსთაველის საქართველოს ეროვნული სამეცნიერო ფონდი
24-11-2022 GITA-ს ინიციატივით Smart Toys MakeaThon გურჯაანის ტექნოპარკში გაიმართება |
---|
12-09-2019 თეა წულუკიანი სერბეთის პრემიერს შეხვდა |
27-08-2019 ლატვიაში სასწავლო ვიზიტით ბორჯომის და თეთრიწყაროს ლაგ-ის წევრები და მათი პარტნიორები იმყოფებოდნენ |
05-03-2019 ევროკავშირის მხარდაჭერით ქედის ადგილობრივი განვითარების ჯგუფის მმართველი საბჭოსთვის პროექტის ციკლის მართვის, მონიტორინგის და შეფასების სასწავლო კურსი ჩატარდა |