|
2276 |
---|
სენაკში ლურჯი მოცვის პლანტაცია სახელმწიფო რწმუნებულმა დაათვალიერა
სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ, ადგილობრივი ხელისუფლების წარმომადგენლებთან ერთად, სენაკის მუნიციპალიტეტის ფოცხოს ადმინისტრაციულ ერთეულში ლურჯი მოცვის პლანტაცია დაათვალიერა.
როგორც „კომერსანტს“ სამეგრელო-ზემო სვანეთის სახელმწიფო რწმუნებულის პრესსამსახურიდან აცნობეს, სასოფლო-სამეურნეო კოოპერატივი ,,აგროთემა“ 6 ჰექტარ ფართობზე ლურჯი მოცვის ბაღს აშენებს. პროექტი ,,დანერგე მომავლის" ფარგლებში, სახელმწიფო ბიუჯეტის თანადაფინანსებით ხორციელდება. კოოპერატივმა ,,აგროთემამ“ 100 000 ლარამდე სახელმწიფო დაფინანსება მიიღო, რომელიც კენკროვანი კულტურის ნერგებისა და თანამედროვე წვეთოვანი სარწყავი სისტემისთვის იყო განკუთვნილი. კოოპერატივი სამომავლოდ ბაღის გაშენებას დამატებით 4 ჰექტარზე გეგმას და საერთო ჯამში 10 ჰექტარზე მოცვის წარმოებას აპირებს.
პლანტაციის დათვალიერების შემდეგ სახელმწიფო რწმუნებული კოოპერატივის მიერ დასაქმებულ ადგილობრივ მცხოვრებლებს შეხვდა და მათ სოფლის მეურნეობის დარგში არსებული სხვადასხვა სახელმწიფო პროგრამები გააცნო. პლანტაცია უახლესი ტექნოლოგიების გამოყენებით ეწყობა, სამუშაოზე დასაქმებულია 50-მდე ადგილობრივი.
ამ ეტაპზე, აქტიურ ფაზაშია, ლურჯი მოცვის სახეობების - ლეგასის, ბლუგოლდის, გლუკროპისა და სხვა ჯიშების გაშენების პროცესი. |
19-03-2019
წყარო: commersant.ge
05-06-2023 თბილისი პლასტიკური ქირურგიისა და დერმატოლოგიის მე-17 საერთაშორისო კონგრესს -„კოლხიდა 2023“-ს მასპინძლობს |
---|
26-02-2019 ილონ მასკს მორიგი ტვიტის გამო ედავებიან |
29-03-2019 სურსათის უვნებლობა ტრენინგი თბილისში |
23-11-2022 „ტურიზმის შესახებ“ კანონპროექტი - რა რეგულაციები შემოდის ბიზნესისთვის? |