|
1353 |
---|
„საპარტნიორო ფონდის“ საქმიანობას ჰონგ-კონგის ბიზნეს დელეგაცია გაეცნო
ჰონგ-კონგის უმაღლესი რანგის ბიზნეს დელეგაციას დღეს „საპარტნიორო ფონდის“ საქმიანობა და პროექტები ფონდის საინვესტიციო დეპარტამენტის დირექტორმა ნინო ჩოლოყაშვილმა გააცნო. თბილისში გამართული საქართველო-ჰონგ-კონგის ბიზნეს ფორუმი ქვეყნის საინვესტიციო შესაძლებლობებს მიეძღვნა.
საქართველო-ჰონგ-კონგის ბიზნეს ფორუმი ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ მხარდაჭერით გაიმართა. თბილისში ოფიციალურ ვზიტად მყოფ ჰონგ-კონგის ოფიციალურ დელეგაციას ჰონგ-კონგის სპეციალური ადმინისტრაციული მთავრობის კომერციისა და ეკონომიკური განვითარების მინისტრი ხელმძღვანელობს.
ჰონგ-კონგის უმაღლესი რანგის ბიზნეს დელეგაციის ვიზიტის მიზანია, გაეცნონ იმ ბიზნეს და საინვესტიციო შესაძლებლობებს, რომებსაც „ერთი გზა, ერთი სარტყელის“ ინიციატივის ფარგლებში საქართველო ინვესტორებს სთავაზობს. ბიზნეს ფორუმზე მხარეებმა საქართველოსა და ჰონგ-კონგს შორის სავაჭრო და ეკონომიკური ურთიერთობების შესახებ ისაუბრეს. კერძოდ, ისეთ საკვანძო სექტორებში, როგორებიცაა ინვესტიციები, ტურიზმი, მეწარმეობა და ა.შ.
ჰონგ-კონგის დელეგაციის წევრებმა თბილისში გამართულ ბიზნეს ფორუმზე საქართველოს სხვადასხვა ბიზნეს სექტორში პარტნიორული ურთიერთობების გაღრმავებისთვის მზადყოფნა გამოთქვეს. |
19-03-2019
წყარო: commersant.ge
25-03-2019 საპენსიო სააგენტო საინვესტიციო საბჭოს წევრებს ეძებს - ხელფასი $60,000 დოლარია |
---|
23-12-2022 ხატვის საერთაშორისო კონკურსი ტოიოტასგან |
29-05-2019 მენი ბენიშმა: სამინისტროს მხრიდან ტექნოლოგიებისადმი განსაკუთრებული მიდგომა უმნიშვნელოვანესია, რადგან მსოფლიო ტექნოლოგიებზეა დამოკიდებული |
29-05-2019 Huawei: აშშ საშიშ პრეცედენტს ქმნის |