საბანკო რეგულაციები და ფინანსური პრობლემები, რომელიც რიგით მოქალაქეებს შეექმნათ - არსებულ ვითარებაზე პასუხისმგებლობას ექსპერტები, ხელისუფლებას აკისრებენ. ეკონომისტები ეკონომიკის მინისტრის იმ განცხადებას ეხმაურებიან, სადაც გიორგი ქობულიამ დაადასტურა, რომ ახალმა საბანკო რეგულაციებმა, საცალო გაყიდვებს პრობლემები შეუქმნა, თუმცა განაცხადა, რომ შეზღუდვების მნიშვნელოვანი შეცვლა არ იგეგმება.

ექსპერტები ხელისუფლების ამ დამოკიდებულებას კრიტიკულად აფასებენ და ცვლილების უარყოფით მხარეებზე საუბრობენ.

„დღეს რეალურად სიღარიბეა და სიღარიბეა განმაპირობებელი იმის, რა პრობლემებიც არის ქვეყანაში. თუ საბანკო ინსტიტუტები არ მისცემენ ადამიანებს სესხს, სესხს მისცემს მევახშე, შესაბამისად განვითარდება ჩრდილოვანი ეკონომიკა ქვეყანაში. პასუხისმგებლობა ეკისრება ხელისუფლებას, რომელმაც დაიწყო ამ რეფორმების ჯაჭვი გაუაზრებლად,“-განაცხადა ეკონომისტმა ირაკლი ყიფიანმა.