„როსპოტრებნადზორმა“ ქართულ ხილსა და ბოსტნეულში დარღვევები ვერ აღმოაჩინა
ნავიგატორი
1886


„როსპოტრებნადზორმა“ ქართულ ხილსა და ბოსტნეულში დარღვევები ვერ აღმოაჩინა

„როსპოტრებნადზორმა“ ქართულ ხილსა და ბოსტნეულში სერიოზული დარღვევები ვერ აღმოაჩინა - ამის შესახებ ინფორმაციას რუსული მედია უწყების პრეს-მდივანზე დაყრდნობით წერს. როგორც იულია მელანომ განაცხადა, საქართველოდან რუსეთში ძალიან ცოტა რაოდენობის ხილი და ბოსტნეული შედის, თუმცა მათაც ჩვეულებისამებრ სტანდარტული წესით აკონტროლებენ.

"საქართველოდან მოწოდებული მცენარეული პროდუქციის წილი მცირეა. პროდუქციაში ბოლო დროს რაიმე სერიოზული დარღვევა არ დაფიქსირებულა. „როსსელხოზნადზორი“ საქართველოდან შემოსული პროდუქციის კონტროლს სტანდარტული სამუშაო წესით განაგრძობს“ - განაცხადა მელანომ.

შეგახსენებთ, რომ 24 ივნისს, „როსპოტრებნადზორმა“ ქართული ღვინის ხარისხი დაიწუნა. როგორც უწყებაში განაცხადეს, ბოლო 5 წლის განმავლობაში სტანდარტებთან შეუსაბამო ალკოჰოლური პროდუქციის იმპორტის მოცულობა საქართველოდან სამჯერ გაიზარდა. „როსპოტრებნადზორმა“ გაამკაცრა ქართული ღვინის კონტროლი უსაფრთხოებიდან გამომდინარე. უწყებაში აცხადებენ, რომ მხოლოდ 2018 წელს ჯამში საქართველოდან არ დაუშვეს 203 ათასი ლიტრი ღვინო, ხოლო რვა ქართველ მწარმოებელს ღვინის იმპორტი აეკრძალა. მათ შორის არიან: შპს "ბაგრატიონი -1882", შპს "ბოლერო და კომპანია", შპს "კახეთის ტრადიციული მეღვინეობა", შპს "ბადაგონი", შპს "ქართული ღვინის სახლი"; "კორპორაცია ქართული ღვინო", „ქართული ღვინისა და ალკოჰოლური სასმელების კომპანია" და შპს" ბატონო".

„როსპოტრებნადზორმა“ ხარისხის კონტროლის გამკაცრებაზე განაცხადება რუსეთის პრეზიდენტის ვლადიმერ პუტინის იმ განკარგულების შემდეგ გააკეთა, რომელიც საქართველო-რუსეთს შორის ავიარეისების შეჩერებას გულისხმობს.

25-06-2019

წყარო: bpn.ge

17-07-2023

ერთწლიანი გაცვლითი პროგრამა ამერიკაში

18-02-2019

ევექსი 2 კომპანიად იყოფა

18-03-2019

დღეს, სასტუმრო ,,რედისონ ბლუ ივერიაში“, საქართველოს სავაჭრო-სამრეწველო პალატის საბჭოს, 2019 წლის პირველი სხდომა გაიმართა.

15-03-2019

50-ლარიანი დახმარებით 146 000 ბავშვი ისარგებლებს

15-03-2019

50-ლარიანი დახმარებით 146 000 ბავშვი ისარგებლებს

17-07-2023

ერთწლიანი გაცვლითი პროგრამა ამერიკაში

18-02-2019

ევექსი 2 კომპანიად იყოფა

18-03-2019

დღეს, სასტუმრო ,,რედისონ ბლუ ივერიაში“, საქართველოს სავაჭრო-სამრეწველო პალატის საბჭოს, 2019 წლის პირველი სხდომა გაიმართა.


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ