საბავშვო ხალიჩების(პაზლების) მწარმოებელ ჩეხური კომპანიას Maly Genius წარმოება საქართველოში გადმოაქვს, - ამის შესახებ Bm.ge-ს კომპანია "Ku biki"-ის დამფუძნებელმა დავით კაციტაძემ განუცხადა. მისი განმარტებით, საქართველოში ჩეხური კომპანიის პარტნიორები სწორედ ისინი იქნებიან. მოლაპარაკებები თითქმის დასრულებულია. 

"წლის ბოლომდე ბავშვის პაზლი ხალიჩების წარმოებას დავიწყებთ ჩვენს ჩეხ პარტნიორებთან ერთად. ჩეხები გეგმავენ საკუთარი წარმოების საქართველოში გადმოტანას, რადგან ჩეხეთში უფრო ძვირი უჯდებათ პროდუქციის დამზადება. მათ უკვე ნაპოვნი აქვთ გასაღების ბაზარი, ჩვენ ვხდებით პარტნიორები და ერთობლივად დავიწყებთ პროდუქციის წარმოებას, მათი ვალდებულება იქნება ცოდნა და "ნოუჰაუ", ჩვენ კი უზრუნველვყოფთ მის საქართველოში დამზადებას. ჩეხები ამ ნაწარმს შემდეგ ევროპის ბაზარზე გაყიდიან. მათ საქართველოდან ევროპაში ამ პროდუქციის მიწოდებაც შედარებით იაფი დაუჯდებათ“ - განაცხადა დავით კაციტაძემ.