გვინდა თბილისში ჩავატაროთ საერთაშორისო ფორუმი „ძლიერი ეკონომიკა, ძლიერი ქალაქი", სადაც საუბარი იქნება ძირითადად ურბანულ გამოწვევებზე, - განაცხადა თბილისის მერმა დედაქალაქის მთავრობის სხდომაზე.

კახა კალაძის თქმით, ქალაქის ურბანული განვითარება ყველაზე დიდი გამოწვევაა.

„მგონი არავის გვსიამოვნებს ის,  რა მდგომარეობაცაა ურბანული განვითარების თვალსაზრისით, სერიოზული გამოწვევაა ეს. რა თქმა უნდა, მას, რაც გაფუჭდა, რთულია რამე მოუხერხო, თუმცა მთავარი არის ის, რომ მომავალში არ გავაფუჭოთ და არ დავაზიანოთ, ყველაფერი გავაკეთეთ, რომ  სწორად განვითარდეს ქალაქი, არ გაიცეს ისეთი ნებართვები, რომელიც მიუღებელია და პრობლემას წარმოადგენს ეკოლოგიური თვალსაზრისით", - განაცხადა კალაძემ.

მისი თქმით, დედაქალაქი საერთაშორისო ფორუმს 31 მაისს უმასპინძლებს და მასში მონაწილოებას როგორც ადგილობრივი, ისე უცხოელი ექსპერტები მიიღებენ.