თანადაფინანსების პროექტის მიზანი არის საქართველოს კანონმდებლობით დადგენილი წესით რეგისტრირებული მეწარმე სუბიექტების მხარდაჭერა, მცირე და საშუალო ბიზნესის საექსპორტო პოტენციალის ზრდა, პალატის მხრიდან თანადაფინანსებაზე ხელმისაწვდომობის უზრუნველყოფის საშუალებით.
საქართველოში რეგისტრირებულ ნებისმიერ მეწარმეს, რომელიც იღებს მონაწილეობას საერთაშორისო გამოფენებში/კონკურსებში და აკმაყოფილებს დადგენილ კრიტერიუმებს, აქვს შესაძლებლობა მიიღოს თანადაფინანსება პალატის მხრიდან:

საერთაშორისო გამოფენებში/კონკურსებში მონაწილეობის /რეგისტრაციის მიზნით;
საერთაშორისო გამოფენაებში/კონკურსებში მონაწილეობის უზრუნველყოფისათვის საჭირო ფართის დაქირავების/იჯარით აღების მიზნით.

აღნიშნული თანადაფინანსებით სარგებლობისათვის აუცილებელია მეწარმემ/კომპანიამ ოფიციალურად წარადგინოს თანადაფინანსების განცხადება და შესაბამისი დოკუმენტაცია. 
 
განცხადებები შეგიძლიათ მოგვაწოდოთ მიმდინარე წლის 5 დეკემბრამდე, მისამართზე: ქ. თბილისი, ნ.შატაიძის ქუჩა #29, ან გამოგზავნოთ ელ.ფოსტაზე: info@gcci.ge 
 

წყარო: საქართველოს სავაჭრო სამრეწველო პალატა