მესტიის აეროპორტი 2019 წლის მარტში 421 მგზავრს მოემსახურა.
ეკონომიკისა და მდგრადი განვითარების სამინისტროს “საქართველოს აეროპორტების გაერთიანების” ინფორმაციით, აღნიშნული მაჩვენებელი 60 პროცენტით მეტია შარშანდელ ანალოგიურ პერიოდთან შედარებით, 2018 წლის მარტში მესტიის აეროპორტით 263 მგზავრმა ისარგებლა.

რაც შეეხება საქართველოს კიდევ ერთ ადგილობრივ აეროპორტს, ამბროლაურის აეროპორტით, 2019 წლის მარტში 44 მგზავრმა გადაადგილდა, სულ კი, 6 რეისი შესრულდა, რაც 37 პროცენტით მეტია გასული წლის ანალოგიურ პერიოდთან შედარებით.
აღნიშნულ აეროპორტში 2018 მარტში 27 მგზავრი დაფიქსირდა.

ჯამში, მიმდინარე წლის სამ თვეში ადგილობრივი აეროპორტებით 1 359 მგზავრმა ისარგებლა, რაც 71 პროცენტით აღემატება წინა წლის ანალოგიურ პერიოდში გადაყვანილი მგზავრების რაოდენობას – 2018 წლის სამი თვე – 797 მგზავრი.