ნავთობპროდუქტების იმპორტიორთა კავშირის განცხადებით: 2019 წლის თებერვლის თვეში საცხებ-საპოხი მასალების იმპორტმა  1.5 ათასი ტონა შეადგინა, რაც 0,4 ათასი ტონით მეტია იანვრის თვის მაჩვენებელთან (1,1 ათასი ტონა) შედარებით.

ქვეყნების მიხედვით, 2019 წლის თებერვლის თვეში საცხებ-საპოხი მასალების იმპორტის ყველაზე დიდი მოცულობა განხორციელდა ირანიდან - 0,3 ათასი ტონა (20%), შემდეგ მოდიან: თურქეთი - 0,2 ათასი ტონა (13,3%), რუსეთი - 0,2 ათასი ტონა (13,3) გერმანია - 0,1 ათასი ტონა (6,6%), უკრაინა - 0,07 ათასი ტონა (0,5%) და სხვა.

2019 წლის თებერვლის თვეში საქართველოში საავიაციო ნავთის იმპორტმა შეადგინა 9,0 ათასი ტონა, რაც 4,5 ათასი ტონით აღემატება იანვრის თვის მაჩვენებელს (4,5 ათასი ტონა).

ქვეყნების მიხედვით, 2019 წლის თებერვლის თვეში საავიაციო ნავთის იმპორტის ყველაზე დიდი მოცულობა განხორციელდა თურქმენეთიდან - 4,3 ათასი ტონა, რაც მთელი იმპორტის 47,7%-ს შეადგენს. შემდეგ მოდიან: ეგვიპტე - 2,4 ათასი ტონა (26,7%), თურქეთი - 2,3 ათასი ტონა (25,6%).

2019 წლის თებერვლის თვეში საქართველოში სანავთობო ბიტუმის იმპორტმა შეადგინა 7,1 ათასი ტონა, რაც 3,0 ათასი ტონით აღემატება იანვრის თვის მაჩვენებელს (4,1 ათასი ტონა). აქედან იმპორტის 99,9% მოდის ირანის ისლამურ რესპუბლიკაზე.
2019 წლის თებერვლის თვეში საქართველოში გათხევადებული აირების პროპან-ბუტანის ნაერთის (LPG) იმპორტმა შეადგინა 0,7 ათასი ტონა, რაც 0,2 ათასი ტონით მეტია იანვრის თვის მაჩვენებელთან შედარებით (0,5 ათასი ტონა).
2019 წლის თებერვლის თვეში საქართველოში გათხევადებული აირების პროპან-ბუტანის ნაერთის (LPG) იმპორტის 99,9%-ი განხორციელდა რუსეთიდან.