Front Line Defenders — დაცვის გრანტები ადამიანის უფლებადამცველებისთვის

Front Line Defenders 2001 წლიდან გასცემს სწრაფ, პრაქტიკულ ფინანსურ დახმარებას ადამიანის უფლებადამცველებისთვის, რომლებსაც თავიანთი მშვიდობიანი საქმიანობის გამო საფრთხე ემუქრებათ.

რისი დაფინანსება შეიძლება:

• ფიზიკური, ციფრული და კომუნიკაციის უსაფრთხოების გაუმჯობესება
• იურიდიული ხარჯები სასამართლო დევნისა და შევიწროების შემთხვევაში
• სამედიცინო ხარჯები, თუ უფლებადამცველი საქმიანობის გამო დაზარალდა
• დაპატიმრებული უფლებადამცველის ან საფრთხის ქვეშ მყოფი ოჯახის წევრების დახმარება

არ ფინანსდება: უკვე გაწეული ხარჯები, საერთაშორისო ორგანიზაციები, ზოგადი უფლებადაცვითი პროექტები, ოფისის მიმდინარე ხარჯები (ხელფასი, ქირა), შეიარაღებული დაცვა, ავტომობილის ყიდვა, საცხოვრებელი ხარჯები და ემიგრაციაში უკვე მყოფი აქტივისტების ხარჯები.

• თანხა: მაქსიმუმ €7 500; როგორც წესი, ბიუჯეტის 100% არ ფინანსდება
• ვადა: არ არის — განაცხადი მიიღება ნებისმიერ დროს
• ენები: ინგლისური, რუსული, თურქული, არაბული, ფრანგული, ესპანური, სპარსული, პორტუგალიური, ჩინური
• გრანტის მიმღები წარადგენს მოკლე ანგარიშს და ქვითრების ასლებს

განაცხადი იგზავნება დაცული ონლაინ ფორმით: Front Line Defenders — Protection Grants