საქართველოში კომბოსტო ირანიდან შემოდის - პროდუქტის იმპორტი გაორმაგებულია
ნავიგატორი
1443


საქართველოში კომბოსტო ირანიდან შემოდის - პროდუქტის იმპორტი გაორმაგებულია

საქართველოში კომბოსტოს იმპორტი გაორმაგებულია, ადგილზე წარმოება კი შემცირებული, რაც ამ პროდუქტის გაძვირების ერთ-ერთი მთავარი მიზეზი გახდა. თებერვალში კომბოსტო 116%-ით გაძვირდა და ის იმ პროდუქტების ხუთეულში შევიდა, რომლებზეც ფასმა წელს ყველაზე მეტად მოიმატა.

„ბიზნესპრესნიუსისთვის“ საქსტატის მიერ მოწოდებული ინფორმაციის თანახმად, 2018 წლის იანვარ-თებერვალში სულ 1352,9 ტონა კომბოსტო (თავიანი კომბოსტო, კოლრაბი, ბროკოლი და საკვებად ვარგისი ანალოგიური ბოსტნეული) შემოვიდა, მაშინ, როდესაც 2018 წლის ანალოგიურ პერიოდში 614,1 ტონა პროდუქტის იმპორტი განხორციელდა.

რაც შეეხება 2018 წელს იმპორტის მთლიან მაჩვენებელს, გასულ წელს ქვეყანაში 1978, 6 ტონა კომბოსტო შემოვიდა.

ამასთან, სტატისტიკის ეროვნული სამსახურის მონაცემებით, 2019 წლის იანვარ-თებერვალში კომბოსტოს იმპორტი განხორციელდა: თურქეთიდან - 668,6 ტონა, აზერბაიჯანიდან - 551 ტონა, ნიდერლანდებიდან - 8,4 ტონა, ირანიდან - 96,8 ტონა და სომხეთიდან - 28 ტონა.

2018 წლის იანვარ-თებერვალში კი პროდუქტი შემოვიდა: თურქეთიდან - 605 ტონა, ნიდერლანდებიდან - 1,6 ტონა და ირანიდან - 0,8 ტონა.

რაც შეეხება მთლიანად 2018 წლის მონაცემს, ქართველოში კომბოსტოს იმპორტი განხორციელდა: თურქეთიდან - 1525, 8 ტონა, ნიდერლანდებიდან - 28, 5 ტონა, აზერბაიჯანიდან - 309,9 ტონა, ირანიდან - 96,6 და სომხეთიდან 17,9 ტონა.

აღსანიშნავია, რომ სტატისტიკის ეროვნული სამსახურის მონაცემებით, კომპოსტოს სახეობების (კომბოსტო, ყვავილოვანი კომბოსტო, ბროკოლი) ადგილზე წარმოება 2017 წელს, 2011 წელთან შედარებით, განახევრდა. კერძოდ, 2011 წელს სულ 35,2 ტონა კომბოსტო იწარმოა, 2012 წელს - 34,4 ტონა, 2013 წელს - 26 ტონა, 2014 წელს -19,3 ტონა, 2015 წელს - 21,8 ტონა, 2016 წელს - 19,7 ტონა, ხოლო 2017 წელს – 17,4 ტონა.

21-03-2019

წყარო: bpn.ge

26-07-2019

პროგრამაში საკრედიტო–საგარანტიო სქემა ქვეყნის 12 უმსხვილესი ბანკი ჩაერთო

13-05-2019

გუდაურში, კობსა და ბაკურიანში ავტოსადგომების პროექტირებასა და მშენებლობაზე ტენდერი გამოცხადდა

12-07-2019

2019 წლის ,,ახალგაზრდა მეცნიერთათვის სტიპენდიის მოსაპოვებლად“ კონკურსში მონაწილეთა საყურადღებოდ!

13-11-2019

ვარკეთილის ტერიტორიაზე მდებარე მეტეოროლოგიური სადგური განახლდა!

13-11-2019

ვარკეთილის ტერიტორიაზე მდებარე მეტეოროლოგიური სადგური განახლდა!

26-07-2019

პროგრამაში საკრედიტო–საგარანტიო სქემა ქვეყნის 12 უმსხვილესი ბანკი ჩაერთო

13-05-2019

გუდაურში, კობსა და ბაკურიანში ავტოსადგომების პროექტირებასა და მშენებლობაზე ტენდერი გამოცხადდა

12-07-2019

2019 წლის ,,ახალგაზრდა მეცნიერთათვის სტიპენდიის მოსაპოვებლად“ კონკურსში მონაწილეთა საყურადღებოდ!


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ