სამაშაბათს, 5 მარტს, 09:30 საათზე, სასტუმროში „რუმს“ (კოსტავას 14, თბილისი), გაიმართება თანამედროვე ტექნოლოგიების შემქმნელების, ქალი მეცნიერებისა და თანასწორობის ქომაგების შეხვედრა სტუდენტებსა და ახალგაზრდებთან. ინსპირაციული მსჯელობა შეეხება გენდერული თანასწორობის მიღწევის ახალ გზებს, რომლებიც ტექნოლოგიური საუკუნის შესაძლებლობებსა და ტექნოლოგიებსა და მეცნიერებაში ქალთა აქტიურ ჩართულობას უკავშირდება.
 შეხვედრა სათაურით #Tech4Equality - ტექნოლოგიები თანასწორობისთვის, ქალთა საერთაშორისო დღის წლევანდელ თემას ეხმაურება - „გაითავისე თანასწორობა, აშენე გონივრულად, გამოიყენე ინოვაცია ცვლილებისთვის".
 ღონისძიების ორგანიზატორია გაეროს წარმომადგენლობა საქართველოში საქართველოს პრეზიდენტის ადმინისტრაციასთან, საქართველოს პარლამენტის გენდერული თანასწორობის საბჭოსთან, შვედეთისა და ნორვეგიის მთავრობებთან და ქართულ არასამთავრობო ორგანიზაციასთან „ინოვაციების ხელშეწყობის ფონდი“ თანამშრომლობით.

 ღონისძიებას დაესწრებიან:
- ლუიზა ვინტონი, გაეროს მუდმივი კოორდინატორი საქართველოში
- თამარ ჩუგოშვილი, საქართველოს პარლამენტი-ს თავმჯდომარის პირველი მოადგილე და გენდერული თანასწორობის საბჭოს თავმჯდომარე
- ულრიკ თიდესტრომი, შვედეთის ელჩი საქართველოსა და სომხეთში
- ქეთევან მახარაშვილი, საქართველოს პრეზიდენტის მრჩეველი გენდერული თანასწორობის საკითხებში და საქართველოს პრეზიდენტის ადმინისტრაციის უფროსის მოადგილე
- ერიკა კვაპილოვა, გაეროს ქალთა ორგანიზაციის წარმომადგენელი საქართველოში
- მარიამ ლაშხი, საქართველოს ინოვაციების და ტექნოლოგიების სააგენტო / GITA-ს თავმჯდომარის მოადგილე

 CONTACT:
Sophie Tchitchinadze, UNDP Georgia
Magda Nowakowska, UNDP Georgia
Keti Ghioshvili, UNO Georgia